Deusto Alumnik ikastaro bat antolatu du, Gestalt Terapiarekin lehen harremana izateko, oinarri filosofiko eta psikologiko funtsezkoenak abiapuntu harturik. Pertsona bakoitza bere bizipenetik hurbilduko da Gestalt Terapia egiteko modura, talde baten barruan.
Edukien azalpena, kasu praktikoen azterketa, berrikusketa bibliografikoa eta, batez ere, esperientzian oinarritutako lana egingo dute. Ikastaroaren funtsa honetan datza: kontrastea egitea oinarri teorikoaren eta esperientziako lanaren artean, talde barruan, horrela ikasleentzat esanguratsua izango den ikasketa prozesua sortzeko.
Edukien eztabaida eta taldeko analisia sustatuko da, eta, aldi berean, parte hartuz eduki horietara hurbiltzeko modua izango dute partaideek.
Bilboko campusa: uztailaren 7a, 8a eta 9a, 10:00etatik 14:00etara.
Ikasle, psikologo, pedagogo, gizarte hezitzaile, gizarte langile eta, oro har, pertsonekin lan egiteko interesa duten guztientzako ikastaroa da.
Izena ematea: 40 €
Alumni: 10 €
Ikasleak: 10 € (4. mailakoentzat eta graduondokoetakoentzat).
