Pedro Luis Uriartek gure talentuei erronka joten die, Euskadiko transformazioaren buru izan daitezen
Ekonomia Zientzietan eta Zuzenbidean lizentziatua da, Deustuko Unibertsitatean. Pedro Luis Uriartek 44 urteko esperientzia du lanean, industria, finantza, aholkularitza eta administrazio sektorean, eta, gainera, 7 urte daramatza unibertsitateko irakasle lanetan Deustuko La Comercialen. BBVko kontseilari delegatua izan zen, eta bertako presidenteorde eta kontseilari delegatu, erakunde hau BBVA bihurtu zenean. Enpresari eta zuzendari ezaguna Innobasqueko sortzailea eta lehen presidentea izan zen eta, 2002. urtetik, Economía, Empresa, Estrategia aholkularitza estrategikoko enpresako presidente exekutiboa da.
Astelehen honetan, atsegin handiz hartu dugu Deustuko Unibertsitatean; bertan, ekonomiari buruzko lezioa eman zigun, Programa Deusto-Bizkaia Talentia 2012 programan parte hartu genuen guztioi. Bere hitzaldian, Euskadi ekonomia globalean jarri zuen, eta gure talentuei historian zehar gizarteei astindua eman dieten ziklo eta aldaketak azaldu zizkien. “Lan merkatuan oso garai latzean sartuko zarete”, baina ez da lehenengo une latza, eta ez da azkena izango.
Pedro Luisek honako erronka hau jo zien gure talentuei: “Euskadiren gaineko hausnarketa guztiok egin behar dugu. Egoera hobeko herrialde bilakatu behar dugu, errespetagarria, errespetatua”. Gizarte erronka oso konplexuei aurre egin ahal izateko ekonomia hobean oinarritzen den gizarte hobea lortzea.
Bizi dugun gizarte eta ekonomia egoerari aurre egiteko lehenengo alternatiba depresioa da; bigarrena, konformismoa (“Euskadi, oraintxe, alternatiba honetan dago” – esan zuen Pedro Luisek –), baina badago hirugarren alternatiba bat ere: transformazioa, eta dei egiten die Programa Deusto-Bizkaia Talentiako parte hartzaileei transformazioaren buru izateko.
“Amets egiten ez duenak ez du transformatzea buruan izango, administratzea baino ez du izango. Ez murriztu sekula zuon ikuspena, helburu errealista betetzeko. Ez dago helburu errealistarik gaitasunak dituzten pertsonentzat… gezurra da!”
Transformazio global hau “bihotza berton” izanik egin daiteke, eta, jakina, maila pertsonaleko transformazioa ere behar du. “Testuinguru global honetan, zuon etorkizunaz ez ezik, arduratu ere zuon transformazio pertsonalaren proiektua garatzeaz”, eta, horretarako, oinarrizko lau gaitasun behar dira:
- Ikuspena. Zure etorkizuna ikustea, zure asmo nagusienak oinarri hartuta. Zure ametsa.
- Konpromisoa. Zure transformazio pertsonala garrantzi handiko proiektua delako, zuretzat ez ezik, gainerakoentzat eta Euskadirentzat ere.
- Egitaraua. Koherentea, egituratua, ekintzetarako konpromisoa hartzen duena eta autoexijentzia oinarri duena. “Autoexijentziak ez dakar nekea; nekea porrotak dakar” – esan zuen.
- Gaitasunak. Garatu zuon gaitasun eta balio pertsonalak; izan ere, enpresa bat, herrialde bat edo mundua transformatzeko, pertsonak transformatu behar dira.
Pedro Luis Uriartek galdera hau egin zien gure talentuei: “Bizi ahalko da zuon belaunaldia zuon gurasoak bezala? –galdetu zien entzuleei. Zuon eskuetan dago”, erantzun zien, argi. Galdera honi erantzuten dion laburpena ikus dezakezue bideo honetan:
