STEM Orientabide Jardunaldiak Deustun (Bilbo)
DBH 4. mailako 124 ikaslek parte hartu zuten, urriaren 21ean, Deustuko Unibertsitateko Bilboko campusean ospatutako STEM Orientazio Jardunaldietan.
Artxandako Trueba (Bilbo), Angeles Custodios (Bilbo) eta Karmengo Ama (Zornotza) ikastetxeetatik etorritako ikasleek parte hartu zuten jardunaldi honetan.
Helburua da eremu zientifiko-teknologikoekin lotutako profesioak eta lan-aukerak ezagutaraztea, euskal sektore industrial, zientifiko eta teknologikoko profesionalekin elkarrizketak eginez, STEAM Sareri esker. Sare hori ikastetxeen eta eragile sozioekonomikoen sarea da, eta elkarrekin lan egiten dute euskal gazteek matematikarekiko, zientziarekiko eta teknologiarekiko duten interesa handitzeko eta haien ikaskuntza hobetzeko. Hainbat arlo eta profiletako 23 profesionalek parte hartu zuten jardunaldi interesgarri hauetan.
Eusko Jaurlaritzaren STEAM Euskadi Estrategiaren barruan, lanbide-orientazioko jardunaldi horiek Zientzia, Unibertsitate eta Berrikuntza Sailak eta Hezkuntza Sailak bultzatzen dituzte, Innobasque Berrikuntzaren Euskal Agentziarekin lankidetzan, eta, oraingoan, Deustuko Unibertsitateak antolatzen ditu.
