Zer da kultura? Zer da euskal kultura? Bi galdera horiek sekula erantzun ez diren, eta seguru asko behin betiko erantzun ezin diren galderak planteatzen dituzte; baina arrazoi horregatik berorregatik, hurbiltzeko aukera ugari eta emankorrak zabaltzen dituzte.
“Euskal kultura: interpretaziorako diziplina ugariko gakoak” ikastaro monografikoak euskal kulturaren egungo eta iraganeko hainbat agerkera jorratzen ditu, zortzi ikuspegi zabaletatik: geografia, ingurumena, etnografia, hizkuntzalaritza, arteak, zuzenbidea, historia eta ekonomia.
Yolanda Lázaro eta Xabier Landabideak ikastaroa Onda Vascan aurkeztu dute Kike Alonso eta Itsaso Güemes-ekin batera. Hemen entzun daiteke aurkezpena.
Iturria: Joseba García.
Euskal kultura, gaur egun, gertaera bizia, konplexua, anitza eta erlazionala da, etengabe aldatzen ari den inguru global batean kokatuta dagoen egungo errealitate sozial, ekonomiko eta politikoaren ondorio eta eragilea da.
Ikastaro monografiko honetan euskal kultura interpretatzeko gakoak planteatzen dira oso diziplina desberdinetatik, 8 moduluren inguruan antolaturik, kultura bereizi baten inguruko galderak proposatu eta erantzunak ematen saiatzeko, eta kultura horrek besteekin dituen elkarreraginak eta egungo errealitatean egiten dituen ekarpenak aztertzeko. Asmoa ez da euskal kulturaren definizio bakarra ematea, ezta kulturaren alderdi posible guztiak jasotzea ere; tresnak, loturak eta gakoak jarri nahi dira eskura, interpretatu ahal izateko.
Informazio guztia biltzen duen eskuorria hemen eskuratu daiteke: Euskal kultura – interpretaziorako diziplina ugariko gakoak
EGUTEGIA ETA ORDUTEGIA
Ikastaroa bi seihilekotan egingo da: urritik urtarrilera eta otsailetik ekainera. Eskolak astearte eta asteazkenetan emango dira, 17:00etatik 18:30era eta 19:00etatik 20:30era.
MATRIKULA ESKAERA
Lehenengo epea: 2013ko uztailaren 1etik 24ra.
Bigarren epea: 2013ko irailaren 12tik 26ra.
Matrikula Aisiazko Ikaskuntzen Idazkaritzan egingo da eta lehenengo epean eskaera egindakoek lehentasuna izango dute lekuak esleitzeko orduan.
Argibideetarako telefonoa: 94 413 90 75
ocio@deusto.es
www.ocio.deusto.es
Deja una respuesta