Hileko artxiboak: abendua 2014

Dokumentala, Ikerketa, Jardunaldiak, Multimedia, Ondare Bizia

Ondare Bizia: Erbestea, Emigrazioa eta Itzulera

Utzi iruzkina

Migrarien nazioarteko egunean, Abenduaren 18an aurkeztu zen Bilboko Euskal Museoan Ondare Bizia Euskal erbestearen, emigrazioaren eta behin betiko Euskadirako itzuleraren historia eta gizarte arloko zabalkunderako eta hausnarketarako plataforma eta aren karira Alberto Catenaccik ondu duen Ahaztutako Garaiak / Tiempos Olvidados dokumentala.

PANO_20141218_180630 (1)

Aurkezpenean Sorkunde Aiarza Euskal Museoko Zuzendariak, Nerea Mujika Deustuko Unibertsitateko Euskal Gaien Institutuko Zuzendariak, Pedro Oiarzabal Ikerketa Proiektuko Koordinatzaile eta Ikerlari Nagusiak, Mauri Vicente Linked Knowledge enpresako ingeniariak eta Sonia Bonifacio Euskal Gaien Institutuko ikerlariek parte hartu zuten.

Pozgarria izan zen dokumentalaren eta webgunearen protagonista asko eta asko haien senitartekoekin bertaratu zirela ikustea eta proiektuaren aurkezpena zuzenean haiekin bizi ahal izatea. Elkarrizketatzaile (Ainara Puerta eta Ainara Arozena kasu), ikerlari eta elkarrizketatuek, hartara, lekukotzak jasotzeko lan honen inguruan iritziak trukatzeko aukera izan zuten.

ondarebizia3

Eskerrik asko hurbildu zineten guztioi. Eta bertaratzerik izan ez bazenuten, hemen dituzue plataforma eta “Ahaztutako Garaiak / Tiempos Olvidados” dokumentala:

www.ondarebizia.deusto.es

 https://www.youtube.com/watch?v=3A-SpjiEmD4&feature=youtu.be

Ikerketa, Komunikazioa, Multimedia

Zabaldu da IkerGazte Kongresua: Nazioarteko Ikerketa Euskaraz

Utzi iruzkina

HARRERA-MEZUA

UEUren eta Kongresuaren Batzorde Zientifikoaren izenean atsegin handiz gonbidatu nahi zaitugu IkerGazte 2015 kongresuan parte hartzera.

Asko gara ikerkuntzan dihardugunok eta asko gara eguneroko lan hori euskaraz egiten dugunok. Hemen, puntako ikerkuntza egiten dugu alor guztietan: giza zientzietan, gizarte-zientzietan, zientzia zehatzetan, teknologia eta arkitekturan edota osasunean. Urteak daramatzagu UEUn arloz arloko profesional eta ikertzaileen bilkurak antolatzen, eta oraingo honetan jauzi garrantzitsu bat eman eta arlo guztietako ikertzaile euskaldunentzako bilgunea osatu nahi dugu. UEUren izaera bateratzaile eta integratzaileari zein UEUk euskararekiko duen konpromisoari eutsirik, IkerGazte 2015 ikertzaile euskaldunen lehen kongresurako deia luzatzen dizugu. Ikertzaile gazteen aldetik azken urteotan izan den hazkundea dela-eta, haiek bildu eta ikusgarritasun handiagoa ematea da xede nagusia. Gazte diogunean ibilbide zientifikoaz ari gara; tesia bukatzen ari zaren horri edo azken lauzpabost urteetan amaitu duzun horri zuzenduta dago kongresua.

Kongresuari hasiera emateko nazioartean izena duen hizlari bat izango dugu. Saio zientifikoetan, jasotako lanen artean hautatutako eta arlo guztiak ordezkatuko dituzten lanen aurkezpenak izango ditugu, bai ahoz aurkeztuta bai poster formatuan. Parte-hartzaileok Euskal Herrian egiten den goi-mailako ikerkuntzaren gaineko ikuspegia izango dugu. Kongresuan parte hartuko dugun ikertzaileon arteko harremanak errazteko tailer (mintegi) interesgarriak eta saio osagarriak ere izango dira. Horretaz gain, kongresuak iraun bitartean Durangon bertan lo egiteko aukera izango dugu eta hori ere bultzatuko dugu.

Beraz, ikerkuntza-proiektu baten emaitzak ezagutarazi nahi dituzula? Erdu! Tesia bukatzear edo bukatu berri duzula eta zure emaitzen berri eman nahi duzula? Zatoz zu ere! Nazioarte mailako ikerkuntzaren berri euskaraz! Ez ezazu aukera galdu!

Hautatutako artikuluak ISBNa izango duen argitalpen digital batean agertuko dira eta Euskal Herriko hainbat argitaletxerekin lankidetzan batzuen bertsio hedatuak aldizkari espezializatuetan argitaratzeko aukera ere egongo da.

 

Dokumentala, Ikerketa, Jardunaldiak, Multimedia, Ondare Bizia

Ondare Bizia: Gure Memoria Eraikitzen

Utzi iruzkina

Ondare Bizia

Deustuko Unibertsitateko Euskal Gaien Institutuak eta Giza
Eskubideen Institutuak Ondare Bizia: Gure Memoria
Eraikitzen ekitaldira gonbidatzen zaituzte, Euskal Museoan
(Miguel de Unamuno Plaza, 4, Bilbao), abenduaren 18an,
18:00etan, ospatuko dena. Ekitaldi honetan Ahaztutako
Garaiak – Tiempos Olvidados dokumentala eta Ondare
Bizia web gunea aurkeztuko dira.

Ahaztutako garaiak – Tiempos olvidados dokumentalak
erakusten du migrazioaren eta Euskadirako itzuleraren
iraganaren eta orainaren aniztasuna eta konplexutasuna, 24
pertsonaren lekukotasunen bidez. Beste garai batzuetako
oroitzapenen paisaietan murgiltzen da, ahazturen eta
oroitzapenen mugetan.

Ondare Bizia lineako plataforma, erbestearen,
emigrazioaren eta Euskadirako itzuleraren zabalkunderako
eta hausnarketarako sortutako multimedia atari bat da,
protagonista bakoitzaren bizitzaren historian murgiltzeko
aukera emango duena.

Eguna: 2014ko abenduaren 18a.
Ordua: 18:00.
Tokia: Euskal Museoan (Miguel de Unamuno Plaza, 4,
Bilbao).
Informazio gehiago: euskal.gaiak@deusto.es
(+34) 944 139 225.

—-

El Instituto de Estudios Vascos y el Instituto de Derechos
Humanos de la Universidad de Deusto tienen el placer de
invitarle al evento Ondare Bizia: Construyendo Nuestra
Memoria, el 18 de diciembre a las 18:00h en el Museo
Vasco (Miguel de Unamuno Plaza, 4, Bilbao), en el que se
presentarán el vídeo-documental Ahaztutako Garaiak –
Tiempos Olvidados y el sitio web Ondare Bizia.

El documental Ahaztutako Garaiak – Tiempos Olvidados
muestra la diversidad y complejidad del pasado y del
presente de la migración y del retorno a Euskadi, a partir de
los testimonios de 24 personas cuyas miradas nos adentran
en paisajes de memorias de otros tiempos que discurren
entre olvidos y recuerdos.

La plataforma online Ondare Bizia, es un portal multimedia
de divulgación y de reflexión sobre el hecho del exilio, la
emigración y el retorno a Euskadi, que permitirá profundizar
en cada una de las historias de vida de nuestros
protagonistas.

Día:18 de diciembre de 2014.
Hora: 18:00.
Lugar: Museo Vasco (Miguel de Unamuno Plaza, 4,
Bilbao).
Más información: euskal.gaiak@deusto.es
(+34) 944 139 225

40 urte, Dokumentala, Materialak, Multimedia

“Euskal gaiak Deustuko Unibertsitatean: iragana, oraina, geroa” dokumentala

Utzi iruzkina

Dokumental-omenaldi honetan Euskal Gaien Institutuak Deustuko Unibertsitatean euskal gaien eta euskararen inguruan egin den lan oparoaren aitortza egin nahi izan da.

Bizkaiko Ikaskuntzen Departamenduaren jaiotze-data kontuan hartuta 40 urte beteko ditu 2014ean Deustuko Unibertsitateko Euskal Gaien Institutuak. “Euskal gaiak Deustuko Unibertsitatean: iragana, oraina eta etorkizuna” proiektuak DU-n Euskal Gaien institutuan propio egindako zein euskal gaien inguruan egindako lana identifikatu, ezagutarazi eta balioan jartzea du xede urteotako ibilbide luze, sarri malkartsu eta beti aberatsaren adierazpide bezala.

32 pertsonek hartu dute parte elkarrizketetan: irakasle, ikerlari, sortzaile eta eragileak. Ez daude diren eta izan diren guztiak, baina dauden guztiak dira egin den eta ahaztu ezin den lan eskergari esker onez sortutako ordu erdiko omenaldi txiki honetan.

—
El Instituto de Estudios Vascos de la Universidad de Deusto ha realizado este documental-homenaje sobre los estudios vascos en la Universidad en reconocimiento a la gran labor realizada en torno a los estudios vascos y al euskera en los últimos  cuarenta años.

Han pasado 40 años desde la creación del Departamento de Estudios Vizcainos, más tarde Insittuto de Estudios Vascos, y el documental ““Estudios vascos en la Universidad de Deusto: pasado, presente, futuro” pretende promover la identificación, difusión y la puesta en valor del trabajo realizado como parte de un recorrido largo, no siempre fácil pero tremendamente rico e interesante.

32 personas han participado en este proyecto entre profesores, investigadores, creadores y agentes de la cultura y del pensamiento. Aunque no están todos los que son y han sido, sí son todas y todos los que están en este pequeño homenaje y agradecimiento de media hora de duración a la enorme labor realizada que no puede ni debe ser olvidada.

 

 

Iritzia, Kolaborazioak

Euskararen egune (Alex Uriarte Atxikallende)

2 iruzkin

Euskal Filologiako graduko eta SareKom1415 ikasgaiko Alex Uriarte Atxikallendek testu hau bidali digu Abenduaren 3ko euskararen egunaren harira. 

Garai batean izan zen, entzuten zen, izan ginen. Hortzemugaren azken puntutik, asfaltu hotzera. Karrika isil eta zahartuetatik, atzerriko ur oparo eta arrotzetara. Mendiburu biluzietako hatx ezkutuenetatik, negu garaiko beheko suaren epeltasun eta magalera. Gure asaben ekinaren bidezidorretatik, guri eskeinia izan zaigun oinordetza bakar eta ordaindu ezinezkora.

Garai latzak pasatu izan dira, pasatu izan dituzte, izan ditugu. Iluntasunezkoak, hauspenezkoak, ezintasunezkoak eta, sarritan, etsipenezkoak. Eta gaurkoan? Zer gertatzen zaio behin erabiliriko hizkera hari? Amonaren ahotik jasotako berba samurrari? Gau eroaren biharamunean entzun beharreko aitaren bronkari? Eta iraganeko barre algara, negar malko, istorio kontaezin eta mobida nahasiei? Non ezkutatu da kontu haiek bakar bihurtzen zituen hizkera hura?

Gaurkoan berba arrotzak ditut entzungai, neureak ez ditudanak, urrun sumatzen ditudanak, nigandik ihesian doazenak, lausoak, materia gabekoak, zentzu bakoak. Hain berezia den egun hau, bihur dezagun aste, bihur dezagun urte, hamarkada, mende eta historia. Har dezagun behingoz gure arbasoek laga ziguten eta jarraitu beharreko soka hori, euskaldun hitzaren funts bereizgarri hori, hau da, euskara daukana, euskara erabiltzen duena.

Hedatu dezagun lau haizetara gure izaera biltzen duen hori, eta ez dezagun etsi hedapen horretan gure azken hatsera artean. Euskarak eta beronen ikaskuntzak oihartzun bat izateaz gain, errealitate bat izaten jarrai dezan beste 40 urtetan, gutxienez. Euskarak gaurkoan ikusgai dugun dokumental honen mamiaren gisako nortasuna izan dezan, hots, iraganekoa, oraineko eta etorkizunekoa. Bidali dezagun behingoz euskararen eguna pikutara eta egin dezagun egun oro euskararen egun.