Euskal Hizkuntzalaritza 2020 DUko Jardunaldiak euskal diasporako hizkuntzalariak, gaur egun AEBetako unibertsitateetan aritzen direnak, eta Deustuko eta beste euskal unibertsitateetako hizkuntzalariak bildu nahi ditu, beraien azken ikerketak partekatzeko asmoz. Horretarako, irailaren 25eko arratsaldean, sei txosten aurkeztu eta eztabaidatuko dira Bilboko campusean.
EGUNERAKETA (2021eko urtarrilak 26): Jardunaldiaren bideoa hemen ikus daiteke:
Eguna: 2020/05/11
Ordua: 13:00 – 14:30
Kike Amonarriz (Tolosa, 1961) Euskal Filologian lizentziatutako soziolinguista, umorista eta telebista aurkezlea, Deustuko Unibertsitateko ikasleekin arituko da euskararen bidegurutzeaz, “Etxealditik Euskaraldira” ekimenarekin lotuta, datorren astelehenean, hilak 11, 13:00etatik 14:30era, Euskal Gaien Institutoak antolatutako bideohitzaldian.
Ikasleez gainera, irakasleak eta langileak ere gonbidatuta daude hitzaldi honetara. Parte hartzeko, bidali mezu bat euskal.gaiak@deusto.es helbidera.
Euskal Hizkuntzalaritza 2019 DUko Jardunaldiaren argazkiak, hemen ikusgai: https://www.flickr.com/photos/deusto/albums/72157709572419571
Euskal Hizkuntzalaritza 2019 DUko Jardunaldiak euskal diasporako hizkuntzalariak, gaur egun AEBetako unibertsitateetan aritzen direnak, eta Deustuko eta beste euskal unibertsitateetako hizkuntzalariak bildu nahi ditu, beraien azken ikerketak partekatzeko asmoz. Horretarako, uztailaren 10eko goizean, zazpi txosten aurkeztu eta eztabaidatuko dira Bilboko campusean. Jardunaldiak bazkarian jarraituko du.
Lekua: Tokiski aretoa. Donostiako Campusa.
Ordua: 12:00ak
Ekitaldiaren bideo osoa hemen kontsultatu daiteke:
Aurreko astean Garabideko lagunekin egindako mintegia laburtzen zaila izan bazen, zer esan gaur Txakur Gorria kolektiboaren eskutik bizi izan dugun Sormen Mintegiaz.
Akademiak sormena hil zuenekoa edo goizeko 9etarako planak @txgorria|rekin pic.twitter.com/etR77KI1Vr
— Euskal Gaiak Deusto (@euskalgaiak) October 17, 2018
Hasteko, ikus-entzunezkoekin hasi gara BertsoMovieda-ra aurkeztutako Dastatu eta Hartza zu lanak ikusi ahal izan ditugu pantaila handian Churruca aretoan. Galdu badituzu, edo berriro ikusi nahi izanez gero, hemen daude biak:
Ikus-entzunezko egarriak asetuta (edo), plastikara pasatu gara, baliabide eta teknologia “digital” oinarrizko baina sarri ahaztuegietara itzultzeko:
Hasi gara emaitza batzuk ikusten. pic.twitter.com/OcXetLoWTv
— Euskal Gaiak Deusto (@euskalgaiak) October 17, 2018
Tenperak, artaziak eta hitzak langai, parte-hartzaileek haien proposamenak landu dituzte musika lagun. Eta ondoren, azken ariketa: zer narrazio, zein kontakizun egin marraztutakoaren gainean (edo azpian, edo zehar). Banakakoak, taldekakoak eta kolektiboki irakurritakoak, denetarik izan dugu bertan ere.
Ezinezkoa laburtzen, eta errepikatzen zaila. Behin gertatzen diren gauza horietakoa.
Eskerrik asko bertaratutako guztioi, eta Bizkaiko Foru Aldundiari, bere laguntzarekin honelako ekitaldiak antolatzea posible egiteagatik.
Azken hamarkadetan euskararen biziberritzeari begira egindako aurrera pausoak agerikoak diren bezala, euskalgintzan diharduten agenteen artean gero eta orokortuagoa dago fase baten agortzearen kontzientzia. Aurreko fasean, euskararen ezagutza sendotzea eta zabaltzea hartu zen ardatz, ezagutza eta erabileraren artean harreman zuzen eta positiboa zegoela sinetsita, eta euskararen biziberritzea ezagutzak bermatuko zuela pentsatuta. Ikuspegi hori zalantzan dago gaur egun; euskararen ezagutzak gora egin arren, erabilerak ez duelako joera eta neurri berbera jarraitu, ez hedabideetan, ez etxean, ez aisialdian, ez eskolako esparru batzuetan, ezta lan munduan ere. Aldi berean, urteotan, testuinguru soziala bera ere aldatu egin da, garai batean eraginkorrak ziren euskararen biziberritzeari begirako diskurtsoen baliozkotasun eta eraginkortasuna auzitan jarriz.
Eszenatoki horrek interpelatu egiten gaitu: norantz eta nondik egin behar dira euskararen biziberritzearen aldeko ahalegin berriak? Orain arteko marko berberetan funtzionatzen jarraitu dezakegu? Diskurtso berriak behar ditugu? Badaude? Zein praktika izango dira beharrezkoak hemendik aurrera? Eta noski, zein harreman daude eta behar ditugu praktika, diskurtso eta marko zahar-berrien artean?
Ikastaro hau 
Udako Euskal Unibertsitatearekin eta 
Oihaneder Euskararen Etxearekin elkarlanean antolatu da.
Ikusi hemen UEUren 44. Udako Ikastaroaren aurkezpen bideoa: Ibon Manterola eta Jone Goirigolzarri, Euskararen biziberritzea.
Ikastaroak hitzaldiak eta eztabaida-saioak bilduko ditu. Ikastaroari sarrerako hitzaldi batekin emango zaio hasiera. Hitzaldiaren helburua euskararen biziberritze prozesuaren ibilbide kritikoa burutzea izango da, gaur egungo markoa irudikatuz eta ikastaroan zehar landuko diren gaiei sarrera eginez.
Ikastaroari itxiera mahai inguru batekin emango zaio. Azken jarduera horren helburua ikastaroan zehar agertutako ideia interesgarrienak bildueta ikastaro/hausnarketa saio berrietarako galdera berriak planteatzea izango da.
Hitzaldietan zein mahai-inguruan ohiko galdera txandatxoak ere izango dira.
Ikastaroa maila profesional, akademiko zein pertsonalean euskararen biziberritzearekiko interesa duen norbanako, talde zein erakunde guztiei dago zuzendua. Besteak beste, erakunde publiko zein pribatuetako langileei: euskara teknikariak eta plangintza sortzaile eta bideratzaileak, aisialdiko begiraleak, kazetariak, irakasleak, ikerlariak, eta abar.
| Ordua | Edukiak | Irakaslea |
|---|---|---|
| 19:00-20:45 |
Eskola.
|
| Ordua | Edukiak | Irakaslea |
|---|---|---|
| 19:00-20:45 |
Familia eta aisialdia.
|
| Ordua | Edukiak | Irakaslea |
|---|---|---|
| 19:00-20:45 |
Hedabideak.
|
| Ordua | Edukiak | Irakaslea |
|---|---|---|
| 19:00-20:45 |
Lana.
|
| Ordua | Edukiak | Irakaslea |
|---|---|---|
| 19:00-20:45 |
Itxiera mahai ingurua.
|
1. IKASTARO OSOAN izena emateko:
2. SAIO BATEN izena emateko:
Euskal Autonomia Erkidegoko unibertsitateaz kanpoko irakasleentzako prestakuntza-ikastaroak homologatzeko prozeduran onartzeko eskaera bideratuta. Erantzunaren zain.
Azken hamarkadetan euskararen biziberritzeari begira egindako aurrera pausoak agerikoak diren bezala, euskalgintzan diharduten agenteen artean gero eta orokortuagoa dago fase baten agortzearen kontzientzia. Urteotan, testuinguru soziala bera ere aldatu egin da, garai batean eraginkorrak ziren euskararen biziberritzeari begirako diskurtsoen baliozkotasun eta eraginkortasuna auzitan jarriz.
Testuinguru horretan Euskararen Biziberritzea: marko, diskurtso eta praktikarako aukera berriak birpentsatzen ikastaroak hiru helburu nagusi izan ditu, bi eguneko jardunean landu direnak:
Ikastaroa Udako Euskal Unibertsitatearekin elkarlanean antolatu da, DU eta UEUren arteko hitzarmenari jarraipena emanez IKTak Euskal Herrian ikastaroarekin batera.
Bideo labur honetan Jone Goirigolzarri eta Ibon Manterola ikastaroaren antolatzaileek azaldu dute ikastaroaren berri:
Bestalde hemen argitaratu ditugu ikastaroko hitzaldi eta dinamika ezberdinak:
Jone Goirigolzarri, Ibon Manterola: Ikastaroaren aurkezpena eta nondik norakoak.
Mikel Irizar: Euskararen biziberritzearen ibilbidea: azterketa kritikoa.
Ane Ortega eta Leire Diaz de Gereñu: Euskararen biziberritzea eskolan I.
Josune Zabala. Euskararen biziberritzea eskolan II.
Jone Miren Hernandez, Jaime Altuna, Paula Kasares: Euskararen biziberritzea familian eta aisialdian I.
Kike Amonarriz. Euskararen biziberritzea familian eta aisialdian II.
Patxi Saez: Euskararen biziberritzea lan munduan.
Alberto Barandiaran, Gorka Salces: Euskararen biziberritzea hedabideetan.
Belen Uranga: Itxiera ekitaldia: ikasitakoak laburbildu eta aurrera begirakoak.
Euskal Gaien Institututik ospakizunen baitan Euskararen Transmisio Bideak mahai ingurua antolatu genuen (2015/12/03) , eta horretarako euskararen transmisioaren inguruko lehen lerroko hiru ikerlari gonbidatu genituen, bakoitzak bere esparrutik ekiteko egun euskararen transmisioan dauden eredu, zailtasun eta aukera ezberdinei.
Estibaliz Amorrortuk Euskararen Hiztun berrien jarrerak, motibazioak eta identitatea ikerketa-lanaren emaitzak aurkeztu zizkigun eta Paula Kasares soziolinguista eta Jone Miren Hernandez antropologoaren ekarpenek osatu zuten Euskararen Nazioarteko Egunean ospatu genuen mahai ingurua. Deustuko UnibertsitatekoJone Goirigolzarri aritu zen moderatzaile lanetan.
| Maiatzaren 11n, astelehena, eguerdiko 12:30etan “Hizkuntza gutxituetako hiztun berriak: hiztun aktibo bihurtzeko gakoak” mahai-ingurua izango dugu Deustuko Unibertsitateko Garate Aretoan (Bilboko campusa).
Mahai-ingurua Deustuko Euskal Gaien Institutuak eta Euskaldun berrien ikerketa taldeak antolatu dute elkarlanean.Mahai-inguruan hizkuntza gutxiagotuen normalizazioari begira talde estrategiko diren hiztun berriak izango dira mintzagai; zehazki, irlandera, galego eta euskara hiztun berriak hiztun aktibo bihurtzeko gako garrantzitsuenen inguruan jardungo da. Horretarako, Bernadette O’Rourke (Heriot-Watt Universitity), John Walsh (University of Ireland), Estibaliz Amorrortu (Deustuko Unibertsitatea), Ane Ortega (Andra Mari Irakasle Eskola) eta Jone Goirigolzarri (Deustuko Unibertsitatea) ikerlarien parte-hartzea izango dugu. Hitzaldia gaztelaniaz izango da. Sarrera doakoa da.
|
El lunes 11 de mayo a las 12:30h. en la Sala Garate de la Universidad de Deusto (campus de Bilbao), tendrá lugar la mesa redonda “Nuevos hablantes de lenguas minorizadas: claves para su transformación en hablantes activos”, organizada por el Instituto de Estudios Vascos de Deusto, en colaboración con el grupo de investigación Euskaldun berriak de la misma Universidad.
La mesa redonda versará sobre los nuevos hablantes de lenguas minorizadas, un grupo estratégico de cara a la normalización de dichas lenguas. En concreto, se expondrán algunas de las claves más importantes para el desarrollo de hablantes nativos mediante el estudio de caso del irlandés, el gallego y el euskara. Para ello contaremos con la participación de Bernadette O’Rourke (Heriot-Watt Universitity), John Walsh (University of Ireland), Estibaliz Amorrortu (Deustuko Unibertsitatea), Ane Ortega (Andra Mari Irakasle Eskola) y Jone Goirigolzarri (Deustuko Unibertsitatea). La mesa redonda será en castellano. La entrada es gratuita.
|
