Irudiak

“Euskal Hiztun Berriak: esperientziak, jarrerak eta identitateak” liburua.

Ane Ortega (Begoñako Andra Mari Irakasleen Unibertsitate Eskola), Estibaliz Amorrortu (Deustuko Unibertsitatea), Jone Goirigolzarri (Deustuko Unibertsitatea) eta Jacqueline Urla (University of Massachusetts)  ikerlariek osatutako taldeak “Euskal hiztun berriak: esperientziak, jarrerak eta identitateak” liburua argitaratu berri du Bizkaiko Foru Aldundiaren eta Deustuko Unibertsitatearen arteko elkarlanean.

cover

Liburua 8 kapituluk osatzen dute. Lehen seik ikerketa kualitatiboaren berri ematen dute eta zazpigarrenak azterketa kuantitatiboa eta bere emaitzak dakartza. Azken atala izaera ezberdinekoa da, aurreko kapituluetan gazteei buruz azaldutako datu kualitatibo zein kuantitatibo garrantzitsuenak laburbiltzen ditu. Zentzu horretan, ez dakar informazio berririk baina, gazteen taldea estrategikoa izanda, egileei garrantzitsua iruditu zaielako talde horri begira gako diren auziak berriro, denak batera, argitara ekartzea eta horietaz gogoeta berezia egitea.

Ikerketa lan hau Bizkaiko Foru Aldundia eta Deustuko Unibertsitatearen arteko Bizkailab ekimenaren diru-laguntzari esker egin da,  2012-2015 urte bitartean (www.bizkailab.deusto.es). Lehenetsitako arloen artean Bizkaia euskalduna: euskara eta eleaniztasuna ildoa egon da eta horren barruan burutu da ikerketa-lan hau.

Liburua hiru formatutan deskargatu daiteke: .pdf, .epub eta .mobi euskarrietan hain zuzen ere, ordenagailu, tablet eta e-rakurle ezberdinetan irakurketa errazteko asmoz:

EUSKARAZ

Euskal hiztun berriak 2016 – Deustuko Unibertsitatea EUS (PDF)

Euskal hiztun berriak 2016 – Deustuko Unibertsitatea.epub EUS (ZIP formatoan konprimituta, deskonprimitu erabili aurretik)

Euskal hiztun berriak 2016 – Deustuko Unibertsitatea.mobi EUS (ZIP formatoan konprimituta, deskonprimitu erabili aurretik)

GAZTELANIAZ

Nuevos Hablantes del Euskera  – Deustuko Unibertsitatea ESP (PDF)

Los nuevos hablantes de euskera ESP – Ane Ortega, Estibaliz Amorrortu, Jone Goirigolzarri .epub 

Los nuevos hablantes de euskera ESP – Ane Ortega, Estibaliz Amorrortu, Jone Goirigolzarri.mobi

 

 

Manu Etxebarriaren “Gorbeia inguruko etno-ipuin eta esaundak II” liburuaren aurkezpena

Datorren astelehenean, azaroak 14, Gorbeia inguruko etno-ipuin eta esaundak II liburua aurkeztuko dute Deustuko Unibertsitateko Bilboko campuseko Garate aretoan, goizeko 10:30etan.

Ekitaldian izango dira Juan Manuel (Manu) Etxebarria, liburuaren egilea eta katedraduna, eta José Antonio Rodríguez Ranz, Deustuko Erakunde Harremanetako errektoreordea.

gorbeiaII

 

 

Ikastaro bi Udako Euskal Unibertsitatearekin elkarlanean 2016ko udan

2016ko udan bi ikastaro antolatu ditugu Euskal Gaien Institututik UEUrekin elkarlanean.

Euskararen biziberritzea: marko, diskurtso eta praktikarako aukera berriak birpentsatzen ikastaroa ekainaren 30 eta uztailaren 1ean egingo da Eibarko Markeskoa Jauregian. Jone Goirigolzarri eta Ibon Manterolak koordinatuko dute, eta eskola, familia, aisialdia, lan mundua eta komunikabideak izango ditu aztergai, orain artekotik ikasi eta etorkizunerako lerroak pentsatzen hasteko asmoz.

Gureaz Blai saioan ikastaroaren berri emateko egindako kolaborazioa hemen entzun daiteke.

Euskara

Bigarren ikastaroa, IKTak Euskal Herrian: ikerketa, ezagutza eta ekintzarako @biapuntu berriak  Deustuko Unibertsitatearen Bilboko  campusean ospatuko dugu uztailaren 8 eta 9an.  Amaiera Bilboko Kafe Antzokian emango zaio, Gau Digitala deituriko jaiarekin. Errota Digitala elkartea eta Talaios Kooperatiba egongo dira ikastaroa dinamizatzen, eta hiru lerro landuko dira, hiru lan talde ezberdinetan:

  • Ezagutza eta neurketa modu berriak
  • Demokratizazioa eta parte hartzea gaur eta orain
  • Komunitategintza eta gutasunaren teknologiak

Hemen entzun daiteke Xabier Landabideak Arrosa Sareko Zebrabidea saioan egindako kolaborazioa.

IKTak

Elkarlan hau iaz sinatu genuen DU-UEU hitzarmenak zabaltzen dituen aukeren adierazgarri dela uste dugu, eta gonbidapena luzatu nahi dizuegu bertan izena eman eta parte hartu dezazuen.

“Euskal gaiak Deustuko Unibertsitatean: iragana, oraina, geroa.” Dokumental-omenaldiaren proiekzioa.

Euskal Gaiak dokumentala estreinaldia

Abenduak 2, 11:00etan Bilboko campuseko Auditorioan eta Abenduaren 3an 13:00etan Donostiako Campusean.

Euskal Gaien Institutuak dokumental-omenaldi bat burutu du unibertsitatean euskal gaien eta euskararen inguruan egin den lan oparoaren aitortza bezala. Euskararen eguneko ekitaldien baitan estreinatuko da dokumentala, Deusto.eus ekimenaren aurkezpen publikoarekin batera.

Bizkaiko Ikaskuntzen Departamenduaren jaiotze-data kontuan hartuta 40 urte beteko ditu 2014ean Deustuko Unibertsitateko Euskal Gaien Institutuak. “Euskal gaiak Deustuko Unibertsitatean: iragana, oraina eta etorkizuna” proiektuak DU-n Euskal Gaien institutuan propio egindako zein euskal gaien inguruan egindako lana identifikatu, ezagutarazi eta balioan jartzea du xede urteotako ibilbide luze, sarri malkartsu eta beti aberatsaren adierazpide bezala.

32 pertsonek hartu dute parte elkarrizketetan: irakasle, ikerlari, sortzaile eta eragileak. Ez daude diren eta izan diren guztiak, baina dauden guztiak dira egin den eta ahaztu ezin den lan eskergari esker onez sortutako ordu erdiko omenaldi txiki honetan. Gonbidatuta zaudete estreinura.

 

“Estudios vascos en la Universidad de Deusto: pasado, presente, futuro.” Proyección del documental-homenaje.

Euskal Gaiak dokumentala estreinaldia

2 de diciembre, 11:00 en el Auditorio del Campus de Bilbao y el 3 de diciembre a las 13:00 en el Campus de Donostia.

El Instituto de Estudios Vascos de la Universidad de Deusto ha realizado un documental-homenaje sobre los estudios vascos  en la Universidad en reconocimiento a la gran labor realizada en torno a los estudios vascos y al euskera en los últimos  cuarenta años. El documental se estrenará dentro de los actos del Día Internacional del Euskera y conjuntamente con la presentación de la iniciativa Deusto.eus

Han pasado 40 años desde la creación del Departamento de Estudios Vizcainos, más tarde Insittuto de Estudios Vascos, y el documental ““Estudios vascos en la Universidad de Deusto: pasado, presente, futuro” pretende promover la identificación, difusión y la puesta en valor del trabajo realizado como parte de un recorrido largo, no siempre fácil pero tremendamente rico e interesante.

32 personas han participado en este proyecto entre profesores, investigadores, creadores y agentes de la cultura y del pensamiento. Aunque no están todos los que son y han sido, sí son todas y todos los que están en este pequeño homenaje y agradecimiento de media hora de duración a la enorme labor realizada que no puede ni debe ser olvidada. Quedáis invitadas e invitados a su estreno.

Jon Bilbao, Euskal Kulturaren Armadore: Eusko Bibliographia eta Deustuko Unibertsitateko Ondare Bibliografikoa

Azaroaren 10erarte fisikoki bisitatzeko aukera dagoen arren, hemen uzten dizuegu “Jon Bilbao, Euskal Kulturaren Armadore: Eusko Bibliographia eta Deustuko Unibertsitateko Ondare Bibliografikoa” erakusketa digitala.

Eskerrik beroenak IIBZ/CRAI, Komunikazio Kabinete eta Nortasun Digitaleko lankideei, egindako lan eskerga eta bikainarengatik.

Camiños de ida e volta / Joan-etorriko bideak

Itzulpen eta literatura sormenari buruzko topaketak Deustuko Unibertsitatean

cartaz_4 copia

 2014ko apirilaren 3an 11:00etan Camiños de ida e volta / Joan-etorriko bideak topaketak burutuko dira Deustuko Unibertsitateko Bilboko Campuseko 153. gelan.

Isaac Xubín, Harkaitz Canoren Pasaia Blues eleberria galizierara ekarri duen itzultzailea eta Joxemari Sestorain, Lois Pereiroren olerkiak euskarara ekarri dituen itzultzailea izango dira topaketetan. 

Ikasketa Galegoen Katedra, Euskal Gaien Institutua eta Euskal Irakaslegoaren artean antolatutako eta Bizkaiko Foru Aldundiak eta Galiziako Xuntak finantziatutako jardunaldiek itzulpengintza eta literaturaren inguruko hausnarketarako markoa eskainiko dute, bi autoreren lanak itzuli dituzten bi itzultzaileren esperientziatik abiatuta. 

Leku kopurua mugatua denez etortzeko asmorik izatekotan mesedez baieztatu ondorengo helbidean:  

 euskal.gaiak@deusto.es