Txiki gelditu da 153. gela Isaac Xubín eta Joxemari Sestorainen hitzak entzuteko, eta gaurkoan hitza protagonista izan dugun arren (hitz idatzia, hitz irakurria, euskarazko hitza, galizierazko hitza), argazkitan ekarri dugu ikusi eta entzundakoaren berri, etorri izan ezin duenarentzat, edo bertan egon denarentzat gozagarri.
Itzulpen eta literatura sormenari buruzko topaketak Deustuko Unibertsitatean
2014ko apirilaren 3an 11:00etan Camiños de ida e volta / Joan-etorriko bideak topaketak burutuko dira Deustuko Unibertsitateko Bilboko Campuseko 153. gelan.
Isaac Xubín, Harkaitz Canoren Pasaia Blues eleberria galizierara ekarri duen itzultzailea eta Joxemari Sestorain, Lois Pereiroren olerkiak euskarara ekarri dituen itzultzailea izango dira topaketetan.
Ikasketa Galegoen Katedra, Euskal Gaien Institutua eta Euskal Irakaslegoaren artean antolatutako eta Bizkaiko Foru Aldundiak eta Galiziako Xuntak finantziatutako jardunaldiek itzulpengintza eta literaturaren inguruko hausnarketarako markoa eskainiko dute, bi autoreren lanak itzuli dituzten bi itzultzaileren esperientziatik abiatuta.
Leku kopurua mugatua denez etortzeko asmorik izatekotan mesedez baieztatu ondorengo helbidean:
