Deskribapena

Ramón Gener, telebistako aurkezle ezagunak, pianoa eta kantua ikasiz ekin zion musikari. Urte batzuetako ibilbidea izan zuen baritono gisa kantatzen. Ondoren Musika arloko dibulgatzaile bihurtu zen, musika “klasiko” eta operari buruzko hitzaldiak eskaintzen. Eta hortik telebistara egin zuen jauzi, Kataluniako TV3 telebistako “Òpera en texans” eta TVE2ko “This is Opera” saioetara. Espainiar eta alemaniar koprodukzioa da, ingelesez eta gaztelaniaz grabatu eta munduko hainbat herrialdetan ikusten dena. Literatura munduan ere sartu da. Argitaratu berri du "Si Beethoven pudiera escucharme", eta bigarren liburua prestatzen ari da, 2016ko udaberrian argitaratzeko.