Kategoriaren artxiboa: Jardunaldiak

Ikerketa, Jardunaldiak, Kolaborazioak, Komunikazioa

Transmedia Use(r)s Summer School Finlandiako Jyävskyläko Unibertsitatean: Zebrabidean kolaborazioa

Utzi iruzkina

Ekaina hasieran Errota Digitala elkartea osatzen duten Xabier Landabidea Euskal Gaien Institutuko ikerlaria , Koldo Diaz University College of London eta EHUko NOR taldeko ikerlaria eta Gorka Salces NOR taldeko ikerlari eta Behategiaren  (Euskal Hedabideen Behatokia) koordinatzailea Jyväskylän egon dira “Transmedia Use(r)s Summer School” ikastaroan parte hartzen. “New audience research for new audiences: Designing a Basque transmedia experience” proposamena aurkeztu dute bertan hiru ikerlariek.

Arrosa Sareko Zebrabidea magazinean elkarrizketatu dute Xabier, eta hemen dago audioa entzungai.

Beheko irudian Gorka salces, Copehnageko Unibertsitateko Lisbeth Klaustrup eta Nottinghameko Unibertsitateko Elizabeth Evans-i euskazko komunikabideen banaketa geografikoa azaltzen.

Transmedia Users

Hitzarmena, Jardunaldiak, UEU

Ikastaro bi Udako Euskal Unibertsitatearekin elkarlanean 2016ko udan

Irudia Utzi iruzkina

2016ko udan bi ikastaro antolatu ditugu Euskal Gaien Institututik UEUrekin elkarlanean.

Euskararen biziberritzea: marko, diskurtso eta praktikarako aukera berriak birpentsatzen ikastaroa ekainaren 30 eta uztailaren 1ean egingo da Eibarko Markeskoa Jauregian. Jone Goirigolzarri eta Ibon Manterolak koordinatuko dute, eta eskola, familia, aisialdia, lan mundua eta komunikabideak izango ditu aztergai, orain artekotik ikasi eta etorkizunerako lerroak pentsatzen hasteko asmoz.

Gureaz Blai saioan ikastaroaren berri emateko egindako kolaborazioa hemen entzun daiteke.

Euskara

Bigarren ikastaroa, IKTak Euskal Herrian: ikerketa, ezagutza eta ekintzarako @biapuntu berriak  Deustuko Unibertsitatearen Bilboko  campusean ospatuko dugu uztailaren 8 eta 9an.  Amaiera Bilboko Kafe Antzokian emango zaio, Gau Digitala deituriko jaiarekin. Errota Digitala elkartea eta Talaios Kooperatiba egongo dira ikastaroa dinamizatzen, eta hiru lerro landuko dira, hiru lan talde ezberdinetan:

  • Ezagutza eta neurketa modu berriak
  • Demokratizazioa eta parte hartzea gaur eta orain
  • Komunitategintza eta gutasunaren teknologiak

Hemen entzun daiteke Xabier Landabideak Arrosa Sareko Zebrabidea saioan egindako kolaborazioa.

IKTak

Elkarlan hau iaz sinatu genuen DU-UEU hitzarmenak zabaltzen dituen aukeren adierazgarri dela uste dugu, eta gonbidapena luzatu nahi dizuegu bertan izena eman eta parte hartu dezazuen.

Gaiak, Jardunaldiak

Fikzio seriatua hizkuntza gutxituetan: Goenkale eta Pobol y Cwm-en kasuak.

Bideoa Utzi iruzkina

Goenkale eta Pobol y Cwm

2015eko neguan amaituko da Euskal Telebistako Goenkale telesail erreferentziala, eta aukera hori baliatuko dugu hizkuntza gutxituetan telebistarako fikzioa idaztearen inguruan bi hausnarketa plazaratzeko.

Horretarako Galeserazko Pobol y Cwm telesail beteranoan -41. urtea beteko du aurten- gidoilaria den Gareth Evans eta Goenkaleko Pedro Fuentes eta Jose Luis Aranguren “Txiliku” hurbilduko ditugu haien esperientziak trukatu eta hizkuntza txikietan telebistarako idaztearen inguruan hausnartu eta literatura eta telebistaren arteko uztarketa esparruak esploratzeko.

 Abenduak 10, arratsaldeko 18:00etan, Deustuko Unibertsitateko Ellacuria aretoan, Bilboko Campusean. Sarrera librea.

 Euskara-ingelesa-euskara aldibereko itzulpena egongo da.

 

Jardunaldiak, Kolaborazioak, Mahai ingurua, Multimedia

Komunikabideak eta kazetariak: errealitatearen begirada anitzak ikusi, interpretatu eta helearazteko moduak

Bideoa Utzi iruzkina

Hamargarren Soziologia eta Zientzia Politikoaren Euskal Kongresuan Komunikazioa eta Kultura lan taldearen baitan “Komunikabideak eta kazetariak: errealitatearen begirada anitzak ikusi, interpretatu eta helearazteko moduak” mahai ingurua burutu zen irailaren 3ko ostegun arratsaldean.

Bertan euskal kazetaritza garaikidearen hiru protagonista esanguratsu elkartu ziren: Pikara Magazineko sortzaile eta partaide den June Fernandez, Zebrabidea irrati magazineko gidari eta arduradun den Nekane Zinkunegi eta Zuzeu Orainkari Horizontaleko editorea den Anartz Bilbao.

Deustuko Unibertsitateko irakasle eta ikertzaile eta Euskal Gaien Institutuko kolaboratzaile den Jone Goirigolzarri Garaizar izan zen moderatzaile lanetan, eta ondorengo hiru galderen inguruan egituratu zuen saioa:

  1. Zein aukera erreal duzue kazetariok ikusi eta bizi duzuen errealitatea gizarteratzeko? (Badago tarterik errealitatearen ikuspegi “ofizialaz” harago bestelako ikuspegiak ere helarazteko?)
  2. Zein neurritan barneratzen dituzte komunikabideek gizarte aldaketak, ikuspegi berrizaleak, etab.?
  3. Gaur egun herritarrek informazioa lortzeko iturri anitz dituzte, aniztasun horrek nolako aukerak eta mugak dakartza?

Bertaratu ezin izan zenutenontzat zein bertan egon zinetenontzat hemen duzue saio osoa bideoan:

 

Euskara, Gaiak, Ikerketa, Jardunaldiak, Kolaborazioak, Mahai ingurua

Hizkuntza gutxituetako hiztun berriak: hiztun aktibo bihurtzeko gakoak | Nuevos hablantes de lenguas minorizadas: claves para su transformación en hablantes activos

Utzi iruzkina
Maiatzaren 11n, astelehena, eguerdiko 12:30etan “Hizkuntza gutxituetako hiztun berriak: hiztun aktibo bihurtzeko gakoak” mahai-ingurua izango dugu Deustuko Unibertsitateko Garate Aretoan (Bilboko campusa).

Mahai-ingurua Deustuko Euskal Gaien Institutuak eta Euskaldun berrien ikerketa taldeak antolatu dute elkarlanean.Mahai-inguruan hizkuntza gutxiagotuen normalizazioari begira talde estrategiko diren hiztun berriak izango dira mintzagai; zehazki, irlandera, galego eta euskara hiztun berriak hiztun aktibo bihurtzeko gako garrantzitsuenen inguruan jardungo da.

Horretarako, Bernadette O’Rourke (Heriot-Watt Universitity), John Walsh (University of Ireland), Estibaliz Amorrortu (Deustuko Unibertsitatea), Ane Ortega (Andra Mari Irakasle Eskola) eta Jone Goirigolzarri (Deustuko Unibertsitatea) ikerlarien parte-hartzea izango dugu.

Hitzaldia gaztelaniaz izango da.

Sarrera doakoa da.

 

 

 El lunes 11 de mayo a las 12:30h. en la Sala Garate de la Universidad de Deusto (campus de Bilbao), tendrá lugar la mesa redonda “Nuevos hablantes de lenguas minorizadas: claves para su transformación en hablantes activos”, organizada por el Instituto de Estudios Vascos de Deusto, en colaboración con el grupo de investigación Euskaldun berriak de la misma Universidad.

La mesa redonda versará sobre los nuevos hablantes de lenguas minorizadas, un grupo estratégico de cara a la normalización de dichas lenguas. En concreto, se expondrán algunas de las claves más importantes para el desarrollo de hablantes nativos mediante el estudio de caso del irlandés, el gallego y el euskara.

Para ello contaremos con la participación de Bernadette O’Rourke (Heriot-Watt Universitity), John Walsh (University of Ireland), Estibaliz Amorrortu (Deustuko Unibertsitatea), Ane Ortega (Andra Mari Irakasle Eskola) y Jone Goirigolzarri (Deustuko Unibertsitatea).

La mesa redonda será en castellano.

La entrada es gratuita.

 

Kartel elebiduna

40 urte, Euskara, Hitzaldiak, Jardunaldiak, Kolaborazioak, Mintegia, Zikloa

Gabriel Arestiren Ondarea Zikloa

Utzi iruzkina

50 urte bete berri dira Gabriel Arestiren Harri eta Herri poema liburua argitaratu zenetik, eta 2015eko ekainean 40 urte beteko dira bilbotar poeta hil zenetik. Une ezin egokiagoa Gabriel Arestiren bizitza, figura eta lana unibertsitatera ekarri eta haren ondarearen inguruko ziklo bat proposatzeko.

DeustoBide Herritartasun Eskolaren markoan unibertsitateko ohiko formatoak gainditu eta jarduera osagarriz osatutako ziklo berritzaile eta diziplinarteko bat antolatzeko aukera zabaldu zaigu Gabriel Aresti Kultura elkartearekin elkarlanean.

Ziklo osoaren eskuorria hemen kontsultatu daiteke, eta irekita dago izena emateko webgunea ere.

Honakoa da egitaraua:

  • Gabriel Arestiren lana eta bizitza: hitzaldi musikatua Gabriel Arestiren bizitza haren obraren bidez, eta hitzak musikak lagundurik. Maiatzak 25, astelehena. 17:30-20:30. Bilbo, Deustuko Unibertsitatea.
  • Nazioaren alegoria Gabriel Arestiren poesian: Mintegia
    Gabriel Arestiren olerkietan nazioak hartu dituen aldaerak
    eta poetaren Euskal Herria lerro artean irakurtzeko saioa. Maiatzak 26, asteartea 17:30-20:30. Bilbo, Deustuko Unibertsitatea.
  • Arestiren Bilbo: ibilbide turistikoa
    Poetaren sorlekua, haurtzaroa, erreferentzia intelektualak
    eta lan aipagarrienak ezagutzeko parada. Ekainak 3, asteazkena 17:30 – 20:00. Bilbo, Kafe Antzokian hasita
  • Zikloaren itxiera saio honetan Miren Agur Meabe idazle Lekeitiarrak Arestiren arrastoa aletuko du lehenengo pertsonan egindako irakurketarekin. Ekainak 4, osteguna 19:00. Bilbo, Deustuko Unibertsitatea. Irekia mundu guztiarentzat.

Harri eta herri lanaren 50. urteurreneko edizio berria Material lagungarri bezala ikasle bakoitzari emango zaio Harri eta Herri poesia liburuaren berrogeita hamargarren urteurreneko edizioa.

Bi liburuk osatzen dute argitalpen berria: Arestiren liburua, argitaratu zen bezala batetik eta 50. Artikulu bilduma izeneko liburua bestetik zenbait euskaltzainek eta egilek idatziriko artikuluak biltzen dituena.

Ziklo osoaren prezioa 50 eurokoa da, eta izena emateko argibideak hemen aurki daitezke.

Informazio gehiagorako idatzi deustobide@deusto.es edo euskal.gaiak@deusto.es helbideetara edo deitu 94.413.90.75 telefonora.

gabriel-aresti

Ikerketa, Jardunaldiak, Multimedia

Ertzak saioa: “Ikerlari gazte eta euskaldunak” Hamaika Telebistan

Bideoa Utzi iruzkina

Gaur egun ez da arraroa egiten gure artean ikerlari gazteak aurkitzea, asko dira esparru ezberdinetan dabiltzanak. Harremanak sendotu nahian Udako Euskal Unibertsitateak ‘IkerGazte: Nazioarteko ikerketa euskaraz’ kongresua aurkeztu du. Ikerlari euskaldunen ikusgarritasuna areagotzea du helburu, beraien arteko harremana sustatu asmoz. Ikerlari hainbatekin izan gara beraien egoera ezagutzeko: Xabier Landabidea, Estitxu Garai eta Olatz Perez de Viñaspre. Baita ere, Miren Josu Ormaetxebarria IkerGazte kongresuko arduradunarekin izan gara.

Dokumentala, Ikerketa, Jardunaldiak, Multimedia, Ondare Bizia

Ondare Bizia: Erbestea, Emigrazioa eta Itzulera

Utzi iruzkina

Migrarien nazioarteko egunean, Abenduaren 18an aurkeztu zen Bilboko Euskal Museoan Ondare Bizia Euskal erbestearen, emigrazioaren eta behin betiko Euskadirako itzuleraren historia eta gizarte arloko zabalkunderako eta hausnarketarako plataforma eta aren karira Alberto Catenaccik ondu duen Ahaztutako Garaiak / Tiempos Olvidados dokumentala.

PANO_20141218_180630 (1)

Aurkezpenean Sorkunde Aiarza Euskal Museoko Zuzendariak, Nerea Mujika Deustuko Unibertsitateko Euskal Gaien Institutuko Zuzendariak, Pedro Oiarzabal Ikerketa Proiektuko Koordinatzaile eta Ikerlari Nagusiak, Mauri Vicente Linked Knowledge enpresako ingeniariak eta Sonia Bonifacio Euskal Gaien Institutuko ikerlariek parte hartu zuten.

Pozgarria izan zen dokumentalaren eta webgunearen protagonista asko eta asko haien senitartekoekin bertaratu zirela ikustea eta proiektuaren aurkezpena zuzenean haiekin bizi ahal izatea. Elkarrizketatzaile (Ainara Puerta eta Ainara Arozena kasu), ikerlari eta elkarrizketatuek, hartara, lekukotzak jasotzeko lan honen inguruan iritziak trukatzeko aukera izan zuten.

ondarebizia3

Eskerrik asko hurbildu zineten guztioi. Eta bertaratzerik izan ez bazenuten, hemen dituzue plataforma eta “Ahaztutako Garaiak / Tiempos Olvidados” dokumentala:

www.ondarebizia.deusto.es

 https://www.youtube.com/watch?v=3A-SpjiEmD4&feature=youtu.be

Dokumentala, Ikerketa, Jardunaldiak, Multimedia, Ondare Bizia

Ondare Bizia: Gure Memoria Eraikitzen

Utzi iruzkina

Ondare Bizia

Deustuko Unibertsitateko Euskal Gaien Institutuak eta Giza
Eskubideen Institutuak Ondare Bizia: Gure Memoria
Eraikitzen ekitaldira gonbidatzen zaituzte, Euskal Museoan
(Miguel de Unamuno Plaza, 4, Bilbao), abenduaren 18an,
18:00etan, ospatuko dena. Ekitaldi honetan Ahaztutako
Garaiak – Tiempos Olvidados dokumentala eta Ondare
Bizia web gunea aurkeztuko dira.

Ahaztutako garaiak – Tiempos olvidados dokumentalak
erakusten du migrazioaren eta Euskadirako itzuleraren
iraganaren eta orainaren aniztasuna eta konplexutasuna, 24
pertsonaren lekukotasunen bidez. Beste garai batzuetako
oroitzapenen paisaietan murgiltzen da, ahazturen eta
oroitzapenen mugetan.

Ondare Bizia lineako plataforma, erbestearen,
emigrazioaren eta Euskadirako itzuleraren zabalkunderako
eta hausnarketarako sortutako multimedia atari bat da,
protagonista bakoitzaren bizitzaren historian murgiltzeko
aukera emango duena.

Eguna: 2014ko abenduaren 18a.
Ordua: 18:00.
Tokia: Euskal Museoan (Miguel de Unamuno Plaza, 4,
Bilbao).
Informazio gehiago: euskal.gaiak@deusto.es
(+34) 944 139 225.

—-

El Instituto de Estudios Vascos y el Instituto de Derechos
Humanos de la Universidad de Deusto tienen el placer de
invitarle al evento Ondare Bizia: Construyendo Nuestra
Memoria, el 18 de diciembre a las 18:00h en el Museo
Vasco (Miguel de Unamuno Plaza, 4, Bilbao), en el que se
presentarán el vídeo-documental Ahaztutako Garaiak –
Tiempos Olvidados y el sitio web Ondare Bizia.

El documental Ahaztutako Garaiak – Tiempos Olvidados
muestra la diversidad y complejidad del pasado y del
presente de la migración y del retorno a Euskadi, a partir de
los testimonios de 24 personas cuyas miradas nos adentran
en paisajes de memorias de otros tiempos que discurren
entre olvidos y recuerdos.

La plataforma online Ondare Bizia, es un portal multimedia
de divulgación y de reflexión sobre el hecho del exilio, la
emigración y el retorno a Euskadi, que permitirá profundizar
en cada una de las historias de vida de nuestros
protagonistas.

Día:18 de diciembre de 2014.
Hora: 18:00.
Lugar: Museo Vasco (Miguel de Unamuno Plaza, 4,
Bilbao).
Más información: euskal.gaiak@deusto.es
(+34) 944 139 225